GURE SOR LEKUAREN BILA

Hazparne, 1956. Ikusmira handiaren erdian, Euskal Herriari buruz euskaraz egindako dokumental bat estreinatzen da herriko zineman. Hurrengo hilabeteetan Iparraldeko herrietan, Parisen, San Franciscon edo eta Dakarren proiektatu arren, haren arrastoa misteriotsuki desagertu eta denek ahaztu egingo dute laster.

Hirurogei urte beranduago, Josu Martinez zinemagilea haren bila hasiko da.

EMANALDIAK

  • No events
<< Urr 2017 >>
MTWTFSS
25 26 27 28 29 30 1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31 1 2 3 4 5

Fitxa teknikoa

  • Ekoizpena

    Tentazioa produkzioak

  • Iraupena

    75 min

  • Grabaketa formatua

    Full HD

  • Proiekzio formatua

    DCP, Blu-ray
    16:9 Kolore / zuri beltzetan

Zuzendaria eta taldea


Gidoia eta zuzendaritza: Josu Martinez
Irudia: Hibai Castro Egia
Muntaia: Txaber Larreategi
Musika: Joserra Senperena
Irudi posprodukzioa: Maialen Sarasua Oliden
Audio posprodukzioa: Xanti Salvador
Off ahotsa: Arantxa Iturbe
Produkzioa: Ane Antoñanzas, Koro Etxeberria eta Mireia Gabilondo
Banaketa: Haizea Belza
Josu Martinez
Ikus-entzunezko komunikazioan doktorea eta Gizarte eta Kultur Antropologian lizentziatua da. EHUko NOR ikerketa taldeko kidea. Lau film luze dokumental zuzendu ditu, bakarka ala beste zinegile batzuekin batera; “Itsasoaren alaba” (2009), “Sagarren denbora” (2010), “Prohibido Recordar” (2010) eta “Barrura begiratzeko leihoak” (2012), eta “Hitzezko txalupak” (Elkar, 2012) eta “Tunelak, izarak, mozorroak eta bafleak” (Elkar, 2014) liburuen egilea ere bada.

2013an “Gure Sor Lekua” filmaren kopia bat aurkitu zuen Parisen; eta haren inguruan doktore tesia idatzi zuen, “Gure (zinemaren) sor lekua. Euskarazko lehen filmaren aurkikuntza, historia eta analisia” izenburuaz publikatua (UPV/EHU, 2015). “Liburua gehiago gustatu zitzaidan” esaldi ohikoari beldurrik eduki gabe, orain filma osatu du, bilaketa eta aurkikuntza hura kontatuz.

Prentsa

Berriak

ANTOLATU EMANALDIA

Udazkenetik aurrera, Gure Sor Lekuaren bila hainbat lekutan proiektatuko da. Zure herrian emanaldi bat antolatu nahi baduzu, idatz iezaguzu. Hiru emanaldi moeta antola ditzakezu:

  • Gure Sor Lekuaren bila dokumentala (75 min) eta zuzendariarekin solasaldia + Gure Sor Lekua filmaren bertsio laburra (20 min), zuzeneko musikarekin (Joserra Senperenak konposatua eta Xare/Hertz laukoteak interpretatua).
  • Gure Sor Lekuaren bila dokumentala (75 min) eta zuzendariarekin solasaldia
  • Gure Sor Lekuaren bila dokumentala (75 min)